Hanapin mo yung nagbibigay sa iyo ng lakas

Hanapin mo yung nagpapalakas sa’yo.

Hanapin mo yung bagay na bibigyan ka ng lakas para bumangon araw-araw at magdadala sa’yo hangga’t dumating na ang lamig ng gabi.

Hanapin mo yung bagay na magbibigay saysay sa bawat butil ng pawis sa iyong noo; sa bawat hikab na dulot ng antok; sa bawat nginig ng kamay dahil sa bigat ng pinapasan mo.

Hanapin mo yung dahilan kung bakit kaya mo sabihin na kaya mo ito.

Pagdating ng oras na gusto mo ng sumuko, yung panahon na gusto mo ng iwanan ang lahat, alalahanin mo kung san ka kumukuha ng lakas.

At sa huli, kapag nahanap mo na iyon, tulungan mo na mahanap rin ito ng iba.

Ang Huling Hugotero